منتدى المهاجر المصرى
عزيزي الزائر / عزيزتي الزائرة يرجي التكرم بتسجبل الدخول اذا كنت عضو معنا فى منتدى المهاجر المصرى
او التسجيل ان لم تكن عضو وترغب في الانضمام الي اسرة منتدي المهاجر المصرى
سنتشرف بتسجيلك
شكرا
ادارة المنتدي

منتدى المهاجر المصرى

منتدى المهاجر المصرى . منتدى المهاجر
 
الرئيسيةالبوابةمكتبة الصورس .و .جبحـثالتسجيلدخول

" وجميع لاجزاء Saw السبع اجزاء "> اضغط هنا " سلسلة افلام نيكولاس كيدج"> اضغط هنا "سلسلة افلام النجم المتألق "توم كروز" "> اضغط هنا

" فيلم 678 DVD"> اضغط هنا " فيلم اللمبي 8 جيجا DVD"> اضغط هنا "فيلم بلبل حيران DVD "> اضغط هنا

" تحميل ويندوز 7 سيفين كاملة + داعم للعربي "> اضغط هنا " جميع نسخ الويندوز الاصلية من مايكروسوفت XP,VISTA,WIN7"> اضغط هنا "لاصدار النهائى من Windows 7 Ultimate "> اضغط هنا

" كليب نانسى عجرم شيخ الشباب "> اضغط هنا " كليب محمد عدويه واحمد عدويه المولد ديفيدي "> اضغط هنا "كليب غاده عبد الرازق الهانص فى الدنص" "> اضغط هنا

"سؤال وجواب فتاوى اسلامية "> اضغط هنا " كتاب فقة السنة"> اضغط هنا "مقالات اسلامية " "> اضغط هنا

" تفسير القران الكريم للشيخ الشعراوى"> اضغط هنا "المصحف المعلم كاملا "> اضغط هنا

بحـث
 
 

نتائج البحث
 
Rechercher بحث متقدم
المواضيع الأخيرة
»  اعتذار ...
الخميس نوفمبر 17, 2011 8:08 am من طرف همس العيون

»  اخبرك انى ما زلت ارتدى معطف هواك
الخميس نوفمبر 17, 2011 8:03 am من طرف همس العيون

» بطاقة تعارف
الخميس نوفمبر 17, 2011 4:02 am من طرف همس العيون

» كيف اتكلم عنك
الأحد سبتمبر 18, 2011 1:48 pm من طرف رحيق المشاعر

» بــطــاقــة تــــعــــااااارف
السبت سبتمبر 17, 2011 4:14 pm من طرف رحيق المشاعر

» الاستفتاء على التعديلات الدستورية
الجمعة مارس 18, 2011 7:26 pm من طرف beladonna

»  •♡ من دون •♡• حبك سأموت ♡•
الجمعة فبراير 25, 2011 4:17 pm من طرف beladonna

»  توصلت الى سر كبير يبحث عنه الناس ولم يجدوه
الجمعة فبراير 25, 2011 3:53 pm من طرف beladonna

» حق الزوج على الزوجة
الأحد فبراير 20, 2011 6:24 pm من طرف عطر الندى

» اسمحوا لى ان ابوح بحبي
الأحد فبراير 20, 2011 6:19 pm من طرف عطر الندى

» المواصفــــات القيـــاسيه للبنــــت المصـــريه .....هااااااا
الخميس فبراير 17, 2011 11:58 pm من طرف عماد متعب

» لقائك حبيبى
الخميس فبراير 17, 2011 11:08 pm من طرف عماد متعب

» لحظات الوجود والغياب
الخميس فبراير 17, 2011 10:58 pm من طرف عماد متعب

» لن أشكو فالشكوى أنحناء لن أشكو فالشكوى أنحناء وأنا نبض عروقى كبرياء
الخميس فبراير 17, 2011 12:27 am من طرف عماد متعب

» سأظل احبك
الخميس فبراير 17, 2011 12:22 am من طرف عماد متعب

ازرار التصفُّح
 البوابة
 الرئيسية
 قائمة الاعضاء
 البيانات الشخصية
 س .و .ج
 بحـث

شاطر | 
 

 المواصفــــات القيـــاسيه للبنــــت المصـــريه .....هااااااا

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
beladonna
الكاتب المميز
الكاتب المميز


الحمل
الأبراج الصينية : الخنزير
عدد المساهمات : 102
نقاط : 7600
تاريخ الميلاد : 29/03/1983
تاريخ التسجيل : 14/01/2011

مُساهمةموضوع: المواصفــــات القيـــاسيه للبنــــت المصـــريه .....هااااااا   الإثنين يناير 17, 2011 7:34 pm

الصفة الأولى : اللسان
مرة كنت في اسماعيلية وانا واصحابى اتفرقنا وقلنا هنتقابل على الساعة 5 فى سينيما معرفش اية كدا.. وكنت تايه لأني مش دايس فيها قوي.. أعمل إيه في الحالة دي؟
رحت مستنى عند اول شارع وقلت هسأل اى شخص معدي في الشارع.. تصرف بديهي جدا مفيهوش أي حاجه يعني .. لكن لسوء حظي العاثر يشاء القدر إن الشخص ده يكون واحدة بنت..!
بمنتهى التهذيب والوقار سألتها:
" لو سمحتي فين سينيما الللللللل و (لسه حا كمل باقي الجملة ) "
و بمنتهى الرقي والتهذيب راحت بصّالي.. وراحت مسمعاني باقة منتقاه -من أروع ما أنتجته قريحة الصيع- من الشتايم!!
أعجبت طبعا بسرعة الأداء ومهارة الإلقاء (الحق يتقال يعني!) لكن على إيه ده كله؟؟
كانت فاكراني بعاكس سيادتها يا جدعان .. تخيلوا المهزلة الإنسانية؟ ( هوا صحيح انه انا غلطان علشان كنت المفروض استني راجل او اي شاب معدي بس تعمل ايه بقي )
و سابتني مذهول وراحت ماشية!!
الصفة التانية: التناكة..
البنت المصرية العادية تعتبر اي ولد يحاول التكلم معها، تعتبره مجرما أثيما يحاول التقرب إليها لسبب خبيث حقير شرير ألا وهو التعرف عليها.. إلى أن يثبت العكس!!
لا حول ولا قوة إلا بالله!!
يعنى لو شاء القدر في الكلية عندك (خصوصا طب وهندسة) واضطرتك الظروف إنك تكلم واحدة مش من شلتك أو بينكم صديقة مشتركة, فلا بد أن تكون لك ما يكفي من المبررات والأسباب الكافية جدا, كي تقنع سيادتها إنك لست ذئبا بشريا،و انك لا تسأل عن موعد المحاضرة كمقدمة لسبب آخر لا داع لذكره،عشان العيال الصغيرة اللي بتقرا الموضوع معانا!!
هل لديك زميلة في كليتك من جنسية أخرى؟ لا حظت بتتكلم معاك عادي إزاي كإنك بني آدم خلقه ربنا؟ عادي يعني .. انما لما تيجي تتعرف على بنت مصرية لازم تتكتك وتخطط وترسم الخطط والاستراتيجيات وكإنك داخل على موقعة حربية.. فيه إيه يا عم؟؟ على إيه ده كله يا إكسلانس؟
الصفة الثالثة: الشياكة
البنت المصرية (بحق ربنا) تتزين وتهتم بمظهرها بشكل لابأس به إطلاقا (روح سيتي ستارز، مش باتكلم على مدرسة الصنايع اللي جنب بيتكم يا خفيف!) ..
المشكلة هنا هي نظرة البنت نفسها للمسائل دي ..
البنت دي في الأغلب والأعم بتعمل الشويتين دول لتجذب الشاب الغلبان إللي هايتدبس يا عيني.. وبعد الجواز بقى انت عارف اللي فيها!!
اسمع القصة دي: يقال أن زوجة كانت كل ما تصحا من النوم تلاقي نفسها غرقانة مية.. فعملت نفسها نايمة في يوم،عشان تعرف المية دي جاية منين.. لقت جوزها جه نام جنبها وفتح التليفزيون .. وكل شوية يقول في حسرة: "هي دي النسوان ولا بلاش.. مش انتي؟ اتفووو!"
على الرغم من كده فيه بعض الخبراء في هذا الموضوع بيأكدوا إن الجيل الصاعد بتاع اليومين دول، فيه أمل كبير قوي وممكن يغير الحته دي.. مين عارف .. مفيش حاجة قليلة على ربنا!
الصفة الرابعة: احتقار الراجل!!
فيه راجل رحالة قديم جه على مصر في العصور السحيقة ..لاحظ سلوك الستات في مصر وكتب عنه.. بيقول الراجل ده في مذكراته فيما معناه:
"...... وحين جئت أرض مصر، وجدت فيها أمرا عجيبا مستغربا, ألا وهو تسلط نسائها على رجالها..!! عجبت لهذا الأمر عجبا عظيما، وانتويت سؤال أولى العلم في هذه المسألة الغريبة.. فجائني رجل بالسبب:
حين خرج فرعون لملاقاة موسى، خرج ومعه كبار القوم وسادتهم، وتركوا النساء والعبيد.. فلما حدث ما حدث وهلك فرعون ومن معه ..اتخذت النساء عبيدهن أزواجا!.. ومن هنا جاء تسلط نساء مصر على رجالها حتى اليوم, فهم يعاملونهم كالعبيد......"
شايف القصة المهببه دي؟ اهو الراجل مش من هنا وقالها بنفسه.. بتعملوا فينا كده ليه يا نساء مصر اتقوا الله فينا مش كده.. دا حتى عشان سمعة الوطن في الخارج.. يرضيكم اللي بيتكتب ده يعني؟؟
نعمل إيه طيب؟؟
بعد ما شفنا البنات بيتعاملوا معانا ازاي يا شباب.. لازم نعد العدة ونتعامل معاهم بنفس الأسلوب.. خد الحلول دي وظبط نفسك:
الحل الأول: المساواة ..في الظلم عدل!!
زمان كانت الست المصرية بتحارب عشان حقوقها .. دلوقتي لولا الكسوف بس كان الرجال عملوا جمعية لمناصرة حقوق الراجل.. مش كده؟؟
لاحظ كده لو كنت بتركب المترو أو الأوتوبيس .. سيب بس أي بنت حلوة لابسة ستوماك بادي تدخل وشوف إيه اللي هايحصل.. هاتلاقي شاب كده هلهولة عامل جنتل مان راح قايم ومقعدها مكانه .. وغالبا البنت هاتنزل آخر الخط ومش هاتقوم، عشان تخليه واقف أطول فترة ممكنة!
النصيحة التي أتحمل مسئوليتها الكاملة هي: لو لقيت بنت حلوة عايشة الدور, داخله المواصلة اللي انت راكبها إياك تقوم وتقعدها مكانك.. أولا: صحتها أحسن من صحتك ميت مرة (بطل السجاير والحشيش بقى عيب انت كبرت!) وثانيا: هي مش من بقيت أهلك (لو اختك أو خطيبتك اللي داخلة ماتستهبلش يعني!), وثالثا: لو عامل كده عشان تبين لها انك واد جنتل يعني وحنين، فاعرف إنها مش هاتخليك تتعرف عليها يا ناصح حتى لو عملت لها قرد..يعني هاتبقى قمت ووجعت رجلك عالفاضي.. ومش هتاخد ثواب كمان عشان نيتك غالبا مش كويسة! رابعا: البنت دي مش كبيرة في السن وشابة زيادة عن اللزوم زي مانت شايف.. تقوم ليه بقى؟؟ طيب لو هي اللي قاعدة وانت اللي داخل كانت هاتقوم لك؟؟
المفروض تقوم وتقعد البنت اللي واقفة في الحالات دي:
لو لقيتها بنت غلبانه أو بنت محترمة أو فتاه عاملة أو ست كبيرة، يبقى لازم تقوم لها طبعا مش عايزة كلام.. لكن لو بنت من اياهم، تبقى شاب لامؤاخذة،لو قعدتها مكانك!
الحل التاني: ولا تعبرهم!
سألت مرة بنت: " انتي بتلبسي ليه كده؟"
اجابت: "عشان كده أشيك!"
ألحّيت في السؤال تاني عشان اعرف الإجابة الحقيقية (رزالة بقى!) فقالت في النهاية بصراحة:
- "عشان الناس تبص عليا وأحس إن أنا حلوة وأشوف فى عيونهم نظرة الأعجاب اللى استاهلها طبعاً!"
شفت بقى يا معلم؟ يعني البنت من دول عامله اللي هي عاملاه ده عشان كل ما انت تهتم بيها، سيادتها هاتتكيف وتنبسط أكتر.. ومش هاتعبرك برضه يا عم الدون جوان..!
أقول لك حاجه؟
و لا تعبرها .. لو زميلتك عاملة كده يبقى احلقلها ميري يا معلم.. نفضلها وسيبها .. يعني لو بتكلمك وموبايلك رن, رد عليه وسيبها وامشي... لو واحدة ماشية في الشارع كده،لا تبصلها ولا تعبرها ... كإنها هوا معدّي.. كإنها لاشئ عابر!
لعلمك الحركة دي بتجننهم جدا جدا فوق ما تتخيل .. لأن البنت من دول متعودة ان الناس بتطلب رضاها ومعجبة بيها طول الوقت.. خلي كرامتك بقى تنقح عليك ونفضلها وش ..و لا تبصلها يا شقيق.. بيّن ان انت مش عبيط زي الناس التانية وان الحركات دي ماتخيلش عليك..
هاتلاقيها اشتعلت نارا واتفحمت.. أحسن .. تستاهل!
و أي خدمه
الرجوع الى أعلى الصفحة اذهب الى الأسفل
عماد متعب

avatar

الدلو
الأبراج الصينية : الثور
عدد المساهمات : 11
نقاط : 7261
تاريخ الميلاد : 04/02/1986
المووي :
النادى : الاهلى
مــــــــــــزاج :
أعـــــــلام :
تاريخ التسجيل : 16/02/2011

مُساهمةموضوع: رد: المواصفــــات القيـــاسيه للبنــــت المصـــريه .....هااااااا   الخميس فبراير 17, 2011 11:58 pm

موضوع جميل جدا يا beladonna
وبتفق معاك فى حجات وحجات لا لان مش كل بنات مصر متفرجات ومش كل بنات مصر قليلة الزوق انت كدة بتشوة بنات مصر بالعكس فى بنات كتير محترمة وعلى فكرة فى بنات كتير بتلبس بضيهاتا وبناطيل ومحترمة جدا مش شرط اللبس الى يبين البنت اذا كانت محترمة ولا لاء وبالنسبة للى حصلك دة بيحصل عادى لان فى بنات كتير بتخاف تكلم شاب متعرفوش وبالزات انك فى محافظة تانية مش معنى كدة انك غلطان لا طبعا بس يستحسن انك تسال شاب زيك او راجل
انا بجد سعيد جدا انى اول واحد يرد على موضوعك واسف لو كانت طولت فى الرد وارجو ان ردى يحوز اعجابكو
الرجوع الى أعلى الصفحة اذهب الى الأسفل
 
المواصفــــات القيـــاسيه للبنــــت المصـــريه .....هااااااا
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتدى المهاجر المصرى  :: (¯`·._.·(-== :: المنتدى الترفيهى :: ==- )·._.·°¯) :: كل ماهو جديد-
انتقل الى: