خليك مكشر الناس تحترمك

خليك رسمى

كلمة كتير اوى بنسمعها

من اللى حوالينا

بصراحة الكلمة دية معصبااااااانى جدا

لو هزرت مع ناس اول مرة مثلا اقابلهم

الا قى اللى بيقولى ميصحش كدة خليكى رسمى فى تعاملاتك مع الناس

لو لعبت مثلا فى خروجة او اشتقت اركب مرجيحة (( مفيهاش حاجة يعنى كلنا بنحب المرجوحات ))

تلاقى هجوم فظيع ويقولك اية اللى بتعملة دة انت صغير عشان تعمل كدة !!

الله هوياجماعة كل ما هنكبر سنة هنتحرم من متع غير محرمة ولا اية الحكاية بالظبط؟!!

لو صاحبت حد اصغر منى واندمجت شوية فى الكلام يبقى بصغر من نفسى وابقى موهزئة !!

هو المفروض نكبر ونقعد فى حفرة ونردم على نفسنا ولا اية !! ضريبة اننا كبرنا يعنى

ولو حد عرف مثلا انك بتشارك فى منتديات وردود بقى وايموشن تبقى كارثة طبعا

وتلاقى اللى حواليك يقولو انت عيلت خلاص خليك كبير عشان الناس تحترم

زى ما يكون الضحك واللعب علامات تدعى لعدم احترام اللى حواليك لك

ولازم تكون مكشر و جد وتتكلم بعجرفة عشان الناس تقول عليك تقيل ورزين ومحترم!!!

بجد بجد انا متعصبة لية عايزين يعجزونا بدرى

لية عايزين يحرمونا من طبيعتنا !!